Fòrt Amsterdam a wòrdu traha na aña 1635 i 1636, bou di mando di atmiral Johan van Walbeek di West India Company ( WIC).


Na prome instante e intenshon tras di e fòrti aki tabata pa el a fungi komo un defensa kontra di e Spañonan. Na aña 1634 WIC a konkistá Kòrsou for di e Spañonan i pa e motibu aki WIC a traha e fòrti pa prevení ku nan lo bai ataka nan bèk. Ademas e fòrti aki tabatin e funshon komo e ofisina prinsipal di WIC.


Fòrt Amsterdam ta e fòrti di mas bieu na Kòrsou. Tin ocho fòrti na diferente parti di nos isla. E lokalidat di fòrt Amsterdam ta hopi stratégiko i ta situá na entrada di nos haf, Sint Anna Baai.


E fòrti aki ta konsistí di 4 bastion. En realidat e mester tabatin sinku bastion, pero esaki no ta e kaso. Ta pesei Fòrt Amsterdam tin un forma uniko. Antes kasi tur hende importante tabata biba na Fòrt Amsterdam. I poko pokoa kuminsa traha kas rondo di e fòrt, i asina a nanse Willemstad , e kapital di Kòrsou.


Awendia e fòrti ta wòrdu uzá dor di e gobièrnu di Kòrsou komo un sede pa tene reunion. Ademas den e fòrti aki tin e misa di mas bieu di Kòrsou (1769) i tambe e kas di gobernador.


Orario

Komo bishitante bo por pasa tur dia i tira un bista den e fòrti.


Bo ta desea di bishitá e misa i e museo ? Esaki ta posibel di djaluna pa djabièrnè entre 10:00 ku - 13.30 or.

Riba djasabra e misa ta habri for di 09.30 te ku 11.00 or.


Lokalidat




Bo a bai bishita Fort Amsterdam despues di a lesa e artikulo aki? Kompartí bo eksperensia ku nos!


BAI BÈK ARIBA