Jan Thiel tambe ta kai bou di un di e lamannan mas konosí na Kòrsou. E ta kai den e Tòp 10 di laman kaminda bo por distraí bo mes i disfrutá di un tremendo bahada di solo. E ambiente na Jan Thiel semper ta gezellig. Sea bo ke bai mainta trempan ( prome ku solo sali skèrpi) manera e hende lokalnan sa bai, òf bo por bai atardi pa bo disfrutá di e bahada di solo. Nos por garantisabu ku semper lo bo disfrutá akinan.
Jan Thiel Beach ta konsistí di diferente restaurant, kual ta parti e laman untiki na pida. Asina bo ta haña e restorantnan: Zest, Zanzibar, Tinto i Koko’s.
Na Zanzibar bo ta haña e miho bista pa mira e bahada di solo. Ademas di esei bo por disfrutá tambe di e kambio di kolor di e laman Karibe.
Na Zanzibar tin un vlòt den awa ku ta sòru pa bo por disfrutá di e mihó aventura na laman. Bo ke tira un kabes for di e vlòt aki? Òf sambuyá lihe wak ken ta sali mas prome na e otro banda? Si, tur e tipo di kompetensianan aki ta posibel riba e vlòt aki. Abo no tin masha gana di hasi un kopetensia den landamentu? Tambe ta posibel pa bo relahá riba e vlot aki, rondona di awa blou!
Bo por hür diferente kama di laman i kama luhoso na Jan Thiel, pa hinter dia. Bo por wòrdu sirbí pa e weiter nan di Zest of Zanzibar fei riba bo kama. Pero bo por bai sinta na bar tambe i bebe algu. Algu despues di Jan Thiel, lo bo haña Papagayo Beach Club. Einan tambe ta masha dushi! Si bo a disidí di bai bishitá Jan Thiel, lora mesora i bishitá Papagayo Beach Club tambe.