Bo ke disfrutá ku bo famia i amigunan di nos bunita naturalesa na un manera diferente ? Ki bo ta pensa di pasa un dia kayak? Tin diferente luga na Kòrsou ku bo por hasi esaki, pero nos luga faborito ta entre e palu di mangelnan na bahía di Piscadera.


Na aña 2007 e kayakista Ryan de Jongh ku amor pa Kòrsou i e palu di mangelnan a start un projecto masha bunita. Ryan a kuminsa planta palu di mangel den e bahíanan di Kòrsou. E bahía di Piscadera tabata e prome bahía ku el a kuminsa planta. Den 9 aña di tempu su so a planta mas ku 100.000 palu di mangel den 6 bahía di Kòrsou. Ryan a mira ku e palu di mangelnan na Kòrsou tabata kabando poko poko, i e gobièrnu no tabata pone hopi atenshon riba esaki. Pesei riba su mes el a disidi kuminsa planta e palunan aki. Pa e motibu aki nos ta haña e bahía di Piscadera un lokalidat hopi dushi i speshal pa kayak.


Sigun Ryan Santa Cruz ta e bahía di mas limpi na Kòrsou, paso einan tin hopi palu di mangel. Ademas e bahía aki ta leu for di edifisionan i ningun kloaka no ta bin den dje. (Trouw,2016).


Kayak ku Ryan

Ryan mes ta duna ekskurshon di kayak na Santa Cruz. Bo ta desea di skucha e historia di Ryan i mira kon e mes a protehá e bahíanan di Kòrsou sin niun yudansa di gobièrnu? Mira e website aki pa mas detaye tokante kayak ku Ryan.


Bo ta prefera di kayak independiente den bahíanan di Kòrsou enbes di hasi un ekskurshon? Mira e website aki pa mas informashon tokante hürmentu di kayak.




Lokalidat




Bo a bai Kayak den bahía di Kòrsou despues di a lesa e artikulo aki? Kompartí bo eksperensia ku nos!


BAI BÈK ARIBA