Bo ta kurioso pa sa kon Kurasoleñonan tabata biba antes? Bishitá museo Kas di Pal'i Maishi.


Antes e kasnan na Kòrsou tabata trahá di klei i e daknan tabata traha di pal’i maishi, di ei nan e nòmber a bin: Kas di pal’i Maishi.


Kas di Pal'i Maishi a wòrdu konstruí 130 aña pasá i e ta duna un bon imágen di kon Kurasoleñonan tabata biba antes. E kas akí ta un di e kas di kunukunan protehá di Kòrsou. Fundashon pro Monumento a restaurá diferente kasnan di kunuku. Tin algun persona ku a heredá e kasnan di kunuku i ku awor nan ta wòrdu usá komo un ket.


Na museo Kas di Pal'i Maishi bo por mira kon e hendenan tabata biba na Kòrsou te ku aproksimadamente 1950. Bo por mira un imágen klaramente di kon e katibunan tabata biba antes na Kòrsou i kon e generashon despues a tuma over e kultura Afrikano.


Den e museo bo por mira opheto ku Kurasoleñonan tabata húza. Den e kurá patras di e museo bo por kome algu manera nos bon yu di Kòrsounan. Kuminda kayente ta wordu sirbí ora di lùnch. Bishita e restaurant di museo aki i purba e sabor di nos kuminda krioyo.


Orario

Kas di Pal'i Maishi ta habri djamars te ku djadumingu di 9.00 or pa 15.00 or.


Lokalidat




Bo a bishita Kas di Pal'i Maishi despues di a lesa e artikulo aki? Kompartí bo eksperensia ku nos!


BAI BÈK ARIBA