Lanthùis Groot Santa Martha ta keda situá den un aria chiki mei mei di e serunan na Soto. Lanthùis Groot Santa Martha ta un di e lanthùis nan di mas bieu na Kòrsou. E lanthùis a wòrdu traha na aña 1675.

E lanthùis tabata un di e promé fabrikanan di suku na Kòrsou. Banda di esei, lanthùis Groot Santa Martha tabata eksportá 90% di e salu di Kòrsou pa Hulanda i Merka.

E trabou duru aki tabata wòrdu hasí dor di e katibunan ku tabata keda importá pa Kòrsou pa traha riba plantashi akinan. E plantashi ta midi kasi 554 hèktar.

Banda di suku i salu, krio di bestia tambe tabta un fuente di entrada importante pa lanthùis Groot Santa Martha. E arkitektura di e lanthùis aki ta uniko.

Lanthùis Groot Santa Martha ta karga hopi historia tokante di e kultura Kurasoleño, komèrsio di katibu i eksportashon di kuminda. E lanthùis aki ta hopi gustá tambe bou di muchanan. Despues di ròntleiding dor di e plantashi i tambe e bishita na e museo, e muchanan por traha nan propio rekuerdo Kurasoleño di klei.

Orario

Lanthùis groot Santa Martha ta habri di djaluna pa djabièrnè for di 8.00 or te 16.00 or.

Riba djasabra ku djadumingu nan ta habri di 10.00 or te ku 17.00 or.

Lokalidat

Bo a bai bishitá Lanthùis Groot Santa Martha despues di a lesa e artikulo aki? Kompartí bo eksperensia ku nos!