Bo ke atmirá nos bunita flamingo ros nan di aserka ? E ora ei ta na Williwood bo mester ta. Williwood ( Sint willibrodus) ta un bario chiki na e parti wèst di Kòrsou. Williwood ta konosí pa su flamingonan i e misa di for di aña 1880.


Riba petishon di e habitante nan di bario, na aña 2011 e nòmber a kambia di Sint Willibrodus pa Williwood. Williwood no ta solamente un bario mas, pero awor e ta manera un marka pa e habitantenan. Williwood a bira asta un must-see na Kòrsou.


Na Williwood tin un lago di salu protehá, kaminda ku flamingo nan sa bin. E lago aki ta un sorto di stòp intermediario entre Aruba i Bonèiru pa e flamingo nan. Nan ta keda akinan un par di dia, despues nan ta bula bai nan destinashon final.


Si bo a bin Williwood pa saka potrèt di e flamingonan, bo mester bishitá e misa mesora. Dal un buelta den e bario i mira kon e Kurasoleño nan ta biba eibanda. Despues ku bo sali Williwood, bai refreská bo mes na Daaibooi Beach. E ta dura 10 minüt pa yega, saliendo for di Williwood.



Image credits: Jeroen van Luin


Image credits: Jeroen van Luin

Lokalidat



Kompartí bo potrèt nan saká na Williwood ku nos riba Facebook òf Instagram!


BAI BÈK ARIBA