Kurasoleñonan stima barbekiú na laman. Mayoria bes nos ta barbekiú riba dianan di fiesta, hasimentu di aña, of simplemente paso nos ta desea esaki. Tur djadumingu diferente famia ta bai huntu bai barbekiú na laman.


Bo ta desea di eksperensiá Kòrsou manera nos hende lokalnan? Organisa un barbekiú bo mes huntu ku bo sernan keri riba un djadumingu na un di nos playanan faborito: Playa Kenepa Grandi, Playa Kenepa Chiki, Caracasbaai of Playa Lagun.



Nos lo yudabu ku preparashon di e barbekiú. Akibou bo ta kontra un lista ku nos a kompilá di tur lokual bo tin mester pa barbekiú na laman:

- Grel i barbekíu desechabel

- Karbon i lusafé/ laiter

- Kuminda (karni, pan, saus ku berdura)

- Bebida (awa, refresko, serbes i/òf biña)

- Saku di sushi

- Tayó, kuchú ku fòrki (di plèstik òf karton) i nèpkins

- Kama di supla


Naturalmente bo ke sosegá despues di kome. Bo por hasi esaki riba santu pero tambe den awa riba bo kama di supla. Semper Kurasoleñonan ta barbekiú den kompania di famia of amistatnan. Bo no a bin fakansi ku un grupo grandi? No ta problema, paso lo bo disfrutá meskos.


Nos ta bai laman mayoria bes for di mainta trempan i nos ta keda te ku atardi. Lanta 9 or di mainta pa bai laman, no ta bo kos? Tampoko no ta problema, paso mas atardi tambe lo ta mesun agradabel i ta kuminsa bira mas trankil na laman. Ademas bo por disfrutá di e bahada di solo mientras bo ta prepara bo barbekiú.


Tene na kuenta ku si bo bai laman despues di 12:00 or lo no tin hopi luga mas pa sinta òf lo no tin kasi niun palapa mas disponibel. Bo mes lo tin ku buska un luga pa pone bo barbekiú!


Paga tinu! Sòru pa bo no ta e ultimo na laman, despues ku anochi sera.

NA KUA PLAYANAN BO POR BARBEKIÚ?

CARACASBAAI

Barbekiú i disfrutá manera bon yu di Kòrsou!

Bo ke pasa un vakansi alo Kurasaleño? E orei bo mester hasi maske ta un bes un barbekiú na Caracasbaai. Pa un yu di Kòrsou esaki ta é luga pa barbekiú. Prinsipalmente pa selebra fin di siman òf hasimentu di aña! Bo ke sa mas di barbekiú na Caracasbaai?


Image credits: Marc Nijdam

Diskubri mas aki!

PLAYA KENEPA

Tur djadumingu barbekíu bai gol!

Bo ke disfrutá di laman, solo kayente i dushi kuminda den ambiente di músika lokal? E orei ta na Kenepa grandi bo mester ta. Tur djadumingu nos yu di Kòrsounan ta bini na e laman publiko aki pa selebra fin di siman. Bo tambe ke barbekiú na laman manera nos?


Image credits: Falco Elmert

Diskubri mas aki!

PLAYA LAGUN

BARBEKÍU NA E PARAÍSO DI TURTUGA

Na Playa Lagun tambe bo por disfrutá di bo vakansi den kompania di e hende lokal nan di Kòrsou. Bin ku bo barbekíu desechabel i disfrutá di Kòrsou!


Image credits: Falco Ermert

Diskubri Playa Lagun!

PLAYA KENEPA CHIKI

Un playa intimo i uniko!

Playa Kenepa Chiki ta un laman chiki intimó na Bandabou. E ta keda nèt dilanti Playa Kenepa Grandi, ku ta konosí pa su awa blou transparente. Kenepa Chiki ta wòrdu bishitá prinsipalmente pa Kurasoleñonan. Akinan tambe bo por topa yen famia ta barbekíu djadumingu.


Image credits: Charles Hoffman

Diskubrí Playa Kenepa Chiki!

BAI BÈK ARIBA