Kòrsou ta konosí pa su edifisio i kasnan koloridonan. E kolornan bunita di Kòrsou no ta solamente riba tera pero tambe bo por mira esakinan den laman. Kòrsou ta rondoná di awa blou bunita ku tin diferente koral i piskanan di tur kolor. E bida bou di awa na Kòrsou ta impreshonante! Aki bo por topa por ehèmpel: turtuga, kangreu, spòns di laman,’lionfish’ i kabai di awa.


Akibou nos a traha un lista ku tur e luganan mas konosí i gustá pa sambuyá.


TUGBOAT

É SITIO PA SAMBUYÁ I SNÒRKEL NA KÒRSOU!

Pa mas ku 20 aña kaba e boto di tou bieu, e Tugboat, ta wordu bishita dor di turista i Kurasoleñonan ku gusta sambuyá. Tugboat ta situa na parti pabou di Caracasbaai. Tur dia e sitio ekspektakular aki ta wordu bishitá pa amantenan di snòrkel i sambuyamentu.
Abo tambe ta desea di eksperensiá i mira kon bunita e mundu bou’i awa na Tugboat ta?


Image credits: Falco Ermert

Diskubri mas aki!

SAMBUYÁ NA DIRECTEURSBAAI

...E PARAISO PA KABAI DI AWA!

Algu despues di e Tugboat bo lo kontra ku Directeursbaai, un sitio tambe konosí pa sambuyá. Prome kos ku lo mira bou di laman ta e murayanan haltu di piedra, tapá dor di koral i spònsnan masha bunita. Tin un kantidat grandi di piska kolorido akinan, i bo tin hopi chèns di topa algun kabai di awa. Bo ke sa mas tokante di e sitio aki ?


Image credits: Falco Ermert

Diskubri mas aki!

PLAYA LAGUN

LANDA KU TURTUGA DEN NOS BAHÍA NATURAL

Playa Lagun ta nos sitio faborito pa sambuyá i/òf snòrkel, paso e ta rondoná di baranka grandi I parse un akuario natural. Na tur dos banda di Playa lagun ta dushi pa bo sambuyá i/òf snòrkel. Akinan e chèns ta grandi tambe ku bo por topabu ku turtuga. Kasi tur dia tin turtuga i e piskanan di mas bunita ta landa den e laman aki. Bo ke sa mas tokante di sambuyá na Playa Lagun?


Image credits: Falco Ermert

Diskubri mas aki!

PLAYA KALKI

Alice in wonderland

Un fantasia den e awa di Playa Kalki. E nòmber mes ta papia pa su mes. Playa Kalki ta un laman privá banda di Kura Hulanda Lodge & Beach Club. Di e laman aki bo mester landa mas o menos 3 minüt pa bo yega e muraya di koral. Akinan lo bo diskubrí un paisahe bou di awa asina bunita, ku lo lagabu pensa ku ta den un mundu di fantasia bo ta, Alice in Wonderland. Bo ta kurioso pa sa mas di Playa Kalki?


Image credits: Falco Ermert

Diskubri mas aki!

KLEIN KÒRSOU

E LUGA IDEAL PA SNÒRKEL I SAMBUYÁ PA ESNAN KU KE TRANKILIDAT.

Bo ke sosega untiki den bo vakashon i disfrutá di trankilidat? E orei ta na klein Kòrsou bo mester ta! Klein Kòrsou ta e pèrla di nos pais. E ta situa mas o menos 10 kilometer surost di Kòrsou. Bo a bira kurioso pa sa mas di e eksperensia inolvidabel aki ?


Image credits: Falco Ermert

Diskubri mas aki!

BAI BÈK ARIBA