Bo a kustumá di bai ku vakansi, kaminda bo ta drumi na laman lesa un buki i wòrdu sirbí ? E orei Kòrsou ta e miho opshon pa bo!
Nos tin lamannan bunita kaminda bo por laga e olanan nabu masashi. Bo por sintibu bo mes bèk na e isla tropikal aki, i lubida tur bo preokupashonnan i bo responsabilidat nan.
Akibou nos a kompilá un lista ku tur nos laman nan faborito, pa bo disfrutá di e mihó vakansi aki na Kòrsou.
Relahá bo mes na e laman di mas popular na Kòrsou? E laman ku anochi ta transformá bira un paraíso di fiesta? Si, ta na Mambo Beach (Madero Beach) bo mester ta! E ambiente akinan semper ta agradabel pa tantu grandi komo chiki.
Image credits: Tom Jervis
Bo ke drif riba awa dushi asina i disfrutá di dushi músika? E orei ta na Cabana Beach bo mester ta!
Image credits: Cabana Beach
Si bo ke ègt sosegá i disfrutá di solo, ta na Jan Thiel bo mester ta! Jan Thiel ta e laman kaminda ku bo por disfrutá di un bunita bahada di solo i awa relahante. Bo ke sambuyá unratu ? Esaki tambe ta posibel na Jan Thiel!
Image credits: Falco Ermert
Relahá na laman i disfrutá di un plato dushi? E orei ta na Kokomo bo mester ta. Kokomo ta konosí tambe pa su dushi kushina!
Bo ta di vakansi pa relaha bo mes, leu for un i tur? E orei nos ta konsehabu bishita Cas Abao! Akinan bo por tuma solo den e santu blanku i disfrutá di zonido di e olanan di Cas Abao.
Image credits:: Falco Ermert
Un laman aislá pa esnan ku ta buska trankilidat, solo i mas trankilidat. Dushi laman pa landa aden. Akinan bo ta sintibu manera un pirata di Karibe. Sigur lo bo haña e gana pa konkistá e isla aki!
Image credits: Casal Partiu