Playa Kenepa Chiki ta un laman chiki intimó na Bandabou. E ta keda nèt dilanti Playa Kenepa Grandi , ku ta konosí pa su awa blou transparente.


Kenepa Chiki ta wòrdu bishitá prinsipalmente pa Kurasoleñonan. Akinan tambe bo por topa yen famia ta barbekíu djadumingu.


Na Playa Kenepa Chiki, bo por landa masha dushi mei mei di e hende lokalnan. Bo ke sinti e ambiente Kurasoleño na un laman intimo? E orei Playa kenepa Chiki ta hopi rekomendabel. Den siman no tin hopi hende, pues bo por sambuyá i snòrkel trankil i disfrutá di e trankilidat bou di awa.


Na Playa Kenepa Chiki bo mester snòrkel banda di e barankanan pa bo mira tur e piskanan kolorido i e koralnan. Manera bo drenta laman i kuminsa snòrkel kere nos ku lo bo lubida ora i lo bo keda snòrkel bai gol. Ègt un dushi ‘feeling’.


Laga bai i disfruta di un momentu inolvidabel na Playa Kenepa Chiki! Bai deskubrí piska i koralnan ku nunka ba yega di mira prome. Disfrutá di nos akuario natural!


Informashon importante

- Si bo ta bai Kenepa Chiki, trese bo propio kuminda i bebida. Tin un bar , pero eno ta habrí tur momentu.

- Entrada i úzo die palapa nan ta gratis.

- No tin hopi luga pa stashoná.

- Den siman ta mas trankil. Wikènt ta drùk.

- No tin seguridat disponibel. Laga tur kos di balor den outo.


Image credits: Charles Hoffman


Image credits: Charles Hoffman

Lokalidat


Bo a bishita Playa Kenepa Chiki despues di lesa e artikulo aki? Komparti bo eksperiensha ku nos!


BAI BÈK ARIBA