Galiña ku batata ta e uniko kos ku bo mester sa pa bo bestèl bo kuminda na un trùk di kuminda. Tin diferente trùk di kuminda, òf mihó bisa: trùk’i pan kaminda bo por kumpra un bon galiña ku batata. Banda di galiña ku batata lomitu, karko i karni’sa tambe ta hopi gusta.


E konsepto di trùk’i pan ta forma parti di e bida nokturno di Kòrsou. Kasi tur Kurasoleño ta pasa wak un kuminda na trùk’i pan riba kaminda pa kas. Lastu añanan Kòki riba Blòki a bira hopi popular bou di e hende lokalnan. Pa hasi bo pedido bo mester bai fo’i trempan, sino prepará bo mes pa para den rei. Pero kon ku bai bin e wardamentu ta bale la pena!


Kòki riba Blòki tin un menü variá, pero nos kuminda faborito ta nan galiña ku batata. Kurasoleño nan gusta pone sous di pinda, sous di konoflo i salsa rosada riba nan kuminda (anto no un tiki so, hopi!). Esaki ta hasi un kombinashon delisioso!


Paga tinu: Trùk’i pan por ta adiktivo, pues no kome tur dia durante bo vakansi, paso despues e paña nan lo keda pèrta!


Pasa hasi bo pedido na Kòki Riba Blòki of kualke un otro trùk’i pan ku bo mira kantu di kaminda. Kua ta e miho trùk’i pannan? Kaminda bo mira hopi outo stashoná òf hopi hende ta wardando riba nan kuminda, ta ei bo mester ta!


Orario

Trùk’i pannan ta habri solamente anochi. For di mitar di 9 di anochi bo por kuminsa hasi bo pedido.


Lokalidat



Bo a bai Kòki Riba Blòki òf un otro trùk’i pan despues di a lesa e artikulo aki? Kompartí bo eksperensia ku nos!


BAI BÈK ARIBA