Komedor Krioyo ta keda na parti wèst di Kòrsou, mei mei di naturalesa, den un lanthùis bieu, Dokterstuin. E restorant ta konosí tambe pa e nòmber Dokterstuin, paso e tin hopi aña situá den e lanthùis.


Komedor Krioyo ta wòrdu bishitá diariamente pa Kurasoleño i turista. Akinan bo por purba e kuminda krioyo nan ku ta wòrdu kushiná pa yu’i Kòrsou. E servisio i e ambiente akinan ta hopi lokal.


Ora bo drenta e lanthùis, lo bo mira un museo chiki tokante di e historia di lanthùis Dokterstuin. Ademas lo bo mira kon nos grandinan tabata bisti antes aki na Kòrsou. Despues lo bo haña e restorant mes, Komedor Krioyo.


E Komedor ta di grèns ku e kurá di Dokterstuin. Bo ta kome rondoná di naturalesa, i bo por disfruta di airu fresku di noordoostpassaat. Ora nos bai Dokterstuin, nos ta pidi nos plato faborito nan kual ta :

- Kabritu stobá

- Banana stobá

- Piska Kòra

Komedor Krioyo ta hopi rekomendabel! Kome ameno i pasa un momentu dushi den naturalesa? Ta akinan bo mester ta!


Lokalidat



Bo a bai kome na Komedor Krioyo despues di a lesa e artikulo aki? Kompartí bo eksperensia ku nos!


BAI BÈK ARIBA