Koraal Tabak ta keda na e parti nort di Kòrsou. E no ta un área di naturalesa protehá, pero aki tambe bo por atmirá gran parti di nos bunita flora i fauna.


Na Koraal Tabak ta hopi trankil, pero mayoria bes bo por mira algun persona lokal ta kana òf algun turista ku ta hasiendo nan ‘buggytours’. Ta hopi dushi i aventurero pa kore rònt den Koraal Tabak. Tin bes lo bo haña e sentimentu di, unda mi ta bayendo? Òf sinti ku bo ta perdí. Pero na final lo bo yega riba karetera prinsipal, paso afortunadamente Kòrsou ta un pais chiki.


Na Koraal tabak tin asta un gròt. E gròt aki no ta mesun grandi ku e gròtnan di Hato , pero bo por skonde aden pa awa ora awaseru kai si.


Ademas tin nechi bahía na Koraal tabak. Tin laman tambe, pero bo mes lo tin ku wak si bo ke landa aden. Tin bes nan tin hopi pieda aden, kual ta pone ku no ta asina agradabel pa landa aden.


Mayoria bes lo bo por topa algun piskadó ku ta bai piska na Koraal Tabak. Tin bes bo por mira nan den nan boto riba laman, òf bo por mira nan riba baranka kant’i awa ta piska. Nan sa keda drumi einan te ora ku nan haña sufisiente piska. Bo gusta piska? Bo por pidi nan trankil si bo tambe por tira un liña ku nan, mayoria bes nan ta haña esei great.


Ta un aventura inolvidabel pa kore un dia na Koraal tabak. Nos a pone un ruta abou ku bo por úza pa disfrutá maksimo di Koraal Tabak.


1) Ruta direkshon pa Sint Joris Baai



Bo a hasi uzo di nos rutanan? Kompartí ku nos kon bo a pasa!


BAI BÈK ARIBA