Un fantasia den e awa di Playa Kalki. E nòmber mes ta papia pa su mes. Playa Kalki ta un laman privá banda di Kura Hulanda Lodge & Beach Club.

Di e laman aki bo mester landa mas o menos 3 minüt pa bo yega e muraya di koral. Si bo sambuya henter e 30 meter kantu di e muraya, lo bo diskubrí un paisahe bou di awa asina bunita, ku bo ta pensa ta den un mundu di fantasia bo ta, Alice in Wonderland. Bo mester pensa por ehèmpel riba e tafelkoral i e bladkoralnan. E koralnan na Playa Kalki tin diferente forma, manera un koral ku forma di ‘paddestoel’. Bo tin asta chèns ku bo por topabu ku turtuga, chucho i oromani bèrdè.


Informashon importante

Fluho: Na Playa Kalki tin tiki fluho, pero tin bes e por ta hopi fuerte i inpronostikabel.

Apto pa: Sambuyadó nobato, sambuyadó avansá i snòrkel

Entrada: Entrada liber

Sorto di awa: Awa salu

Sorto di sambuyá: Na kosta

Bista: 30 meter

Profundidat: te 40 meter

Number di emergensia: 912


Lokalidat



Hür material pa sambuyá

Bo a wòrdu konvensí? Bo ta desea di bai sambuya na Playa Kalki? Bo mester hür material pa sambuyá? Guided Dives ta ofresé sèt kompletu pa sambuyá, pa un of mas dia. Tur esaki na un preis hopi agradabel. Bishitá nan wèpsait pa mas informashon.


BAI BÈK ARIBA