Playa Lagun ta nos sitio faborito pa sambuyá i/òf snòrkel, paso e ta rondoná di baranka grandi. Na tur dos banda di Playa lagun ta dushi pa bo sambuyá i/òf snòrkel. Tin hopi koral i spòns bou di e barankanan. Tambe lo bo por topabu ku hopi strea di laman, kabai di awa, kref i djindja. Ku un tiki suerte lo bo por topa lionfish òf un oromani.
Akinan e chèns ta grandi tambe ku bo por topabu ku turtuga. Kasi tur dia tin turtuga i e piskanan masha bunita ta landa den e laman aki i ta bin traha nan nèshi. Si bo bin sambuyá na Playa Lagun, lo bo sintibu den un paraiso supmarino, ègt un akuario. E ta un eksperensia inolvidabel, sigur si ta bo promé bes sambuyándo òf snòrkel na Kòrsou.
Ora bo yega Playa Lagun, lo bo mira hopi boto di piskado. E piskadónan ta úza Playa Lagun hopi bes pa mara nan boto..
