Kurasoleñonan stima un komementu. Sea ta na restorant, snèk, of trùk’i pan. Pa nos hende lokalnan, amor ta pasa di nan stoma. Laga nos mustra bosnan Kòrsou su kushina krioyo. Akibou bo ta kontra un lista ku nos restaurant lokalnan faborito. Asina bo tambe por deskubrí e kushina di Kòrsou, as a local!

KÒKI RIBA BLÒKI

Pa un batata ku galiña bon di grill!

Hamber a dal bu anochi riba kaminda pa kas i bo no sa kiko kome? Pasa bestèl bo kuminda na Kòki riba Blòki. Esaki ta un trùk di kuminda mas konosí di Kòrsou. E batata ku galiña di Kòki riba Blòki ta dal ‘rabia’, mane nos ta bisa na bon Papiamentu. Pasa pa bo mes purb’e!


Image credits: KokiRibaBloki

Diskubri Kòki riba Blòki!

JAANCHIE’S PLACE

Purba kuminda kushiná ku vitamina L

Una bes bo ta na Kòrsou, bo mester pasa definitivamente na Jaanchie’s pa purba e mihó kuminda krioyo traha ku hopi amor. Jaanchie ta húza un reseta sekreto: Vitamina L. E ta garantisá ku tur loke ku sali for di su kushina ta trahá ku hopi LOVE (amor)!

Diskubri Jaanchie!

BON BINI SNACK

Kome komodamente entre e lokalnan!

Bo ke siña, kompronde i sa mas di nos kultura Kurasoleño? Nos ta konsehabu pasa dal un buelta na Bon Bini Snack i sinta kome un bon kuminda krioyo entre e penshonadonan na Brievengat. For di mainta trempan nan ta bin bebe nan kòpi kòfi i nan ta keda akinan te ku atardi. Akinan bo mira i purba e mix di Kòrsou, Repúblika Dominikano, Portugal i Colombia. Personanan di diferente país ta traha den e kushina di Bon Bini Snack. Bo ke sa mas di Bon Bini Snack?

Diskubri mas aki!

PLAZA BIEU!

E kushina di Kòrsou!

Na Plaza Bieu! bo por mira i eksperiensha e amor ku nos Kurasoleñonan tin pa nos kuminda krioyo. Plaza bieu ta un restaurant 100% lokal, kaminda bo por mira kon nos kòkinan prepará bo almuerso pa bo. Bo por sinti e kayente di kuminda, bo por hole e aroma, bo boka lo kore awa, ora bo mira e delisioso plato bo dilanti! Plaza Bieu! ta nos luga preferí pa sinta kome disfruta di un bon almuerso. Kurioso pa sa mas di Plaza Bieu!?


Image credits: bionicgirl

Diskubri Plaza Bieu!

KOMEDOR KRIOYO

Un restorant den nos dushi naturalesa!

Ku bo puntra kalke’n bon yu di Kòrsou, unda nan ta bai kome despues di sali laman na banda abou, nan lo bisabu sigur Komedor Krioyo na Dokterstuin! Sin duda un restorant krioyo situa na un landhuis yen historia. Sorprendé bo mes ku un delisioso plato na Komedor Krioyo, i diskubri e historia di Dokterstuin!

Diskubri Komedor Krioyo!

100% BATIDOS

Pa un batido bon friu!

Despues di a kana hinter dia den solo kayente den Punda, bo ta haña set i gana di un refresko. Ba kans’i bebe awa so? Freska bo mes ku un batido bon frui traha di fruta fresku. Den Punda, banda di pòst kantor bieu, tin un trùk di batido pa basta aña kaba. Semper ku nos bai den punda, nos mester pasa na e trùk aki pa kumpra nos delisioso batido di bakoba. Sigur algu ku bo mester purba!


Image credits: OmniTravel

Diskubri mas di 100% Batidos!

BAI BÈK ARIBA