E forsa di laman Karibe bo por miré na Parke di Shete Boka. Shete Boka ta referí na e shete entradanan natural na e parti nort di e kosta, manera: Boka Pistol, Boka Tabla, Boka Wandomi. E kosta tin un largura di mas ku 10 km i e ta sumamente popular pa nos turtuganan. Diferente sorto di turtuga ta bin na e entradanan aki òf bahía pa pone nan webunan.


Tin diferente ruta ku ta bai e entrada natural nan, bo por yega ku outo òf na pia. E kaminda nan ta menos apto pa un outo nòrmal di famia, pero e ta posibel si. E ta parti di e aventura! Pero nos ta rekomendabu bai ku un Jeep.


Bo ta preferá na kana? Tin dos ruta di kaminata ku ta dura mas o menos 1 ora:


1) Ruta Boka Pistol

2) Ruta Boka Wandomi


Si bo ta bai Shete Boka, sòru pa bo tin un kámara ku bo. Paso ta bale la pena saka potrèt di lokual ku mama naturalesa ta hasi akinan ku e awa. Na Boka Pistol e awa ta bin dal asina duru den e baranka nan, ku e ta zona manera un tiru di pistol.


Na Boka Tabla tin asta un kueba bou di tera ku ta habrí den fondo i ku e awa ta yega te na bo pia. Ègt un bunitesa pa saka potrèt di dje. Ora bo drenta den e kueba aki, bo mester paga tinu si, paso bo slip kai.


Riba e mapa akibou bo por mira kon Shete Boka ta partí.

Orario


Bo a wòrdu konvensí pa bishitá Parke Shete Boka? E parke ta habri tur dia for di 09.00 or di mainta te ku 4.00 or di atardi.

Si bo bishitá e parke despues di 4 or di atardi, ta riba bo propio riesgo!


Bishitá e wèpsait di Shete Boka pa mas informashon tokante e karchinan di entrada.



Lokalidat



BAI BÈK ARIBA