Kòrsou ta un isla chikitu, pero su naturalesa ta riku i diverso. Bo por kana trankil òf pone aktividat di aventura. Por ehèmpel un kaminata den nos parti nan di naturalesa protehá òf subi seru di Christoffel (e seru di mas haltu na Kòrsou). Na Kòrsou tin hopi aktividat ku bo por hasi den naturalesa, banda di tuma solo na laman!
Hasi bo vakansi untiki mas emoshonante dor di diskubrí e parti nan di aventura di Kòrsou. Akibou nos a pone algun di nos aktividat nan faborito pa abo!
Christoffelpark ta e parke di naturalesa mas grandi na Kòrsou. Kurasoleñonan ta orguyoso di dje. Tin ocho diferente ruta ku bo por kana ku ta mustrabu partinan bunita di nos naturalesa. Bo ke diskubri mas tokante di nos flora i fauna?
E forsa di laman Karibe ta riparabel na Parke di Shete Boka. Shete Boka ta referí na e shete entradanan natural na e parti nort di e kosta, manera: Boka Pistol, Boka Tabla, Boka Wandomi. E kosta tin un largura di mas ku 10 km i e ta sumamente popular bou di turtuga. Diferente sorto di turtuga ta bin na e entradanan aki òf bahía pa pone nan webunan. Bo ke sa mas di parke Shete Boka?
Image credits: Ned Haight
Despues di bo bumpy road, disfrutá di un bunita bista riba e punto di mas haltu na Caracasbaai! Pa bo yega na e punto aki, bo mester pasa riba algun kaminda ku buraku (Bumpy ride). Naturalmente lo bo wòrdu rekompensá pa esaki: un bista espektakular!
Image credits: Falco Ermert
Koraal Tabak ta keda na e parti nort di Kòrsou. E no ta un área di naturalesa protehá, pero aki tambe bo por atmirá gran parti di nos bunita flora i fauna. Na Koraal tabak tin asta un gròt. Su entrada ta kompletamente gratis. Ademas tin nechi bahía na Koraal tabak. Paga tinu! nan no ta masha sigur pa landa aden. Bo ke sa mas di Koraal Tabak?
Image credits: 91daysCuracao
Bo ke atmira nos bunita flamingo nan ros di aserka ? E ora ei ta na Williwood bo mester ta. Williwood ( Sint willibrodus) ta un bario chiki na e parte wèst di Kòrsou. Na Williwood tin un lago di salu protehá, kaminda ku flamingo nan sa bin. E lago aki ta un sorto di stòp intermediario entre Aruba i Bonèiru pa e flamingo nan. Nan ta keda akinan un par di dia, despues nan ta bula bai nan destinashon final.
Image credits: Robin Agarwal
Relahá bo mes kanando den un reserva natural? Vakansi ta pa hasi esei tòg? Na Porto Marie bo por kana trankilmente mainta i relahá bo mes. Akinan bo por disfrutá di e trankilidat i despues refreská bo mes na laman: Playa Porto Marie. Un perspektiva inkrehibel òf nò?
Image credits: Falco Ermert
Na Kòrsou tin diferente saliña. Na Jan Thiel tambe tin un lago di salu ku ta wòrdu bishitá regularmente pa flamingo. E ta un paisahe speshal ku tin diferente ruta ku bo por kana. Bo a bira kurioso pa sa mas di e saliña nan na Jan Thiel?
Image credits: Falco Ermert
Bo kier kuminsá ku un aventura nobo? Bo ke diskubri unda tur bo por sùrf aki na Kòrsou? Nos a traha un lista ku e miho luganan pa windsùrf, kitesùrf i golfsùrf. Bo ta interesa pa sa mas?
Image credits: Eelke
Bo ke disfrutá di nos naturalesa ku bo famia i amigunan pero di un manera aktívo ? Ki bo ta pensa di kayak hinter dia huntu? Tin diferente luga ku bo por hasi esaki na Kòrsou, pero nos luga faborito ta mei mei di e pal’i mangelnan na Piscadera baai. Bo ta puntrando bo mes dikon Piscadera baai ta nos luga faborito?
Image credits: Jackie
Bo ta di vakansi ku mucha? E orei ta na Ostrich Farm bo mester bai. Eksperensha e safari Áfrikano riba nos isla chiki den laman Karibe. Bo ta kurioso pa sa mas di e Ostrich Safari Tour?
Image credits: Paul Optenkamp