Si bo ta ku vakansi na Kòrsou, e orei bo mester wak nos bunita Punda. Punda ta e bario di mas bieu di Willemstad. Prome e bario aki tabata yama ‘De punt’ kual ta nifika punta. Despues ela kambia i bira Punda.


Den punda e famoso edifisionan di kolor for di siglo 18 ta situá. E edifisionan aki ta wòrdu fotografiá hopi i bo por konsidera nan e imágen di Kòrsou. Banda di e edifisionan na Handelskade aki, tin diferente atrakshon mas den punda manera e museo i e kayanan di pakus.


Na Kòrsou mayoria bes e hoben nan ta kue direkshon pa stat (kaya) ora nan sali skol. Bo lo mira nan tur den nan ünifòrmnan ta kana rònd òf ta komiendo na algun restorant. Pues, e stat ta atraktivo pa tur hende i no pa turista so.


Bo ke eksperensia Punda manera un Kurasoleño? E ore’i bo tinku kana prinsipalmente banda di e Plaza Nobo I Plaza Bieu. Akinan e hendenan lokal ta bende nan mes produktonan kultivá i nan kos dushinan. Tur dia for di 9or di mainta te ku 1or di atardi, e merkadonan ta okupá ku hendenan lokal ku ta bai kumpra kos òf bai trabou. Despues di mèrdia tur hende ta bai kas bèk pa bai lèg, Siesta!


Punda no ta asina grandi, den mitar dia lo bo a mira tur kos! Pero tòg, bo ta haña gana di sigui bin bishité mas bes. E no ta djis un bario, e ambiente den Punda ta hopi agradabel! E ta uni e pueblo I e ta trese ‘legria. For di e terasa nan na Handelskade bo por pasa oranan largu átmirando tur e barku krusero nan ku ta bin mara na bahía di Santa Anna.


Den Punda lo bo mira hende tur bes sinta riba banki ta skonde pa solo. Si, paso Kurasoleñonan no ta gusta sinta den solo masha. Nos ta prefera sinta den sombra. Si bo ta bai kana den Punda, bo mester djis kuminsa un kombersashon ku: Solo ta kima, nò? Mesora bo a traha amigu nobo, haha!


Image credits: Kai VvV

Waterfòrt Boogjes


Una bes ku bo ta den Punda, bo mester bishitá e famoso Waterfòrt boogjes. Na Boogjes tin varios restorant ku bo por kome hopi dushi anochi i merdia tambe bo por bai lùnch. E tin un lokalidat maravioso kantu di awa. For di e restorant nan bo por disfrutá di un bunita bista. Einan bo por átmira tur e barkunan ku ta bin mara na bahía di Santa Anna i tambe di tur e paranan ku ta bula eibanda. E Boogjes ta un parti di Punda ku bo no por pèrdè. E ta keda nèt patras di Fòrt Amsterdam i bo por yega einan fasilmente ku pia.


BAI BÈK ARIBA