Image loader

E kapital di nos bunita isla ta Willemstad. Willemstad no ta solamente e kapital, pero tambe e kurason di Kòrsou. Tur dia gran kantidat di hende ta bin nos stat pa bai trabou òf pa djis topa otro. Speshalmente nos grandi nan ta bai stashon di bùs pa kòmbersa i pasa un ratu ameno. Willemstad ta un suidat hopi apart i kolorido. E arkitektura di nos edifísionan ta bin un gran parti for di orígen portuges, i untiki di origen Hulandes.


Image credits: Prayitno

Image loader

 

Nos haf natural tambe ta keda den Willemstad, Schottegat. E haf aki ta párti Willemstad den dos pida: Punda i Otrobanda. For di 1886 e dos parti nan aki a wòrdu konektá pa Koningin Emmabrug ( brùg di pòntòn). E brùg di pòntòn ta aksesibel pa solamente peaton i siklista. Ora ku brùg habri pa barku pasa, bo por hasi úzo di e ferrynan. Nan ta nabegá gratis entre Otrobanda ku Punda pasando den bahía di Santa Ana. Na 1974 Koningin Julianabrug a wòrdu trahá, i mayoria trafiko ta pasa di ei.


Image credits: Jeroen van Luin

Image loader

E sentro di suidat di Willemstad ta for di aña 1997 riba lista di patrimonio mundial di UNESCO. Den e sentro di suidat aki tin diferente pakus tantu lokal komo pakusnan popular manera Victoria Secret, Pandora, Lacoste, Tommy Hilfiger etc.


Image credits: Anji Barton


BAI BÈK ARIBA